موقف زى العسل يارب تنجح ياتتح

	النهاردة أو من شوية كـده كنت نازلة مع ماما نوزن نفسنا أصل ماما بتقولي بقيتي فيلة طبعاً ماما كانت شوية وهتقوم تضربني بالمقشة علشان كنت رافضة أنزل وعارفة إني لو وزنت هطلع فيلة وأكسر الميزانة المهم قررت أضحي بـ نفسي وبـ مستقبلي وبـ خجلي وكسوفي ونزلنا لفينا علي كذا صيدلية مش لقينا وكنت بدعي يارب مش نلاقي صيدلية ولو لقينا تكون فيها بنوتة بدال الكسفة ما تبقي كسفتين دورنا ولقينا صيدلية وفيها دكتور كبير كده قولت تمام ولسه هدخل رجلي اليمين لقيت حتة واد رفضت أدخل وفضلت بره وهو تقريباً كده بيشتغل مع والده فيها وماما راحت وزنت وأنا شيفاهم من بره وفجآءة ألاقي ماما بتقوله إيــــــــــــــــــــــــه كـــام وبصوت عالي ومتهيألي كانت هتمسك الواد تموته قالها والله صح أهو قالتله لاء بص كويس آلاقي أختي الصغيرة بتقولي 185 كيــلو أنا شوفت المنظر والصوت والرقم جتلي حالة هيستريا وفضلت أضحك أضحك و وشي أحمر من الموقف والواد يضحك ع ماما المهم جه الدكتور وقالها لاء 85 كيلو بس وده مؤشر كده مش عارفة بتاع إيه ملوش لازمة يعني لقيت ماما بتشدني وتقولي يلا يا نجلاء وأنا لا يمكــــــــــن أدخل وأقولها الواد قمر ياختي هدخل أكسف نفسي دخلت و وقفت وقولتلها أقفي أدامه علشان ميشفنيش ( عاملة نفسي مكسوفة وأنا هموت لو سمع وزني كام ) لقيت ماما بتقولي 95 كيلو بصتلها كده قولتلها لاء و وشي جاب ألوان وأحمر لقيت الدكتور قالها لاء 86 كيلو قولتلها بصي الفرق كيلو واحد بس لقيت الدكتور بيقولي مالك مكسوفة كده ليه ؟ تعالي أقعدي هنا كل يوم وشاولي علي المكتب اللي الوادقاعد عليه وشوفي الأشكال اللي بتدخل كل شوية أصلي كنت هقع وكل ده والواد واقف يضحكــ علينا وبعدين ماما سألته علي كبسولات كده أقراص خميرة قالها أيوة 100 كبسولة ب 7 جنيه مش فاكرة إسمها كده قالها حلوة بس الأحسن والأفيد كوبايتين مياة أحســن بكتيـــــــــــــــر وكمان مفيدة للهالات والوش وللجسم وشدد أوي ع كلمة الخضروات وسألته علشان الإمساكـ وكده ل بابا ( عنده السكر ) قالها المياة مهمة أوي وياكل حاجات فيها ألياف زي الخيار والبرتقال وطبعاً أنا لا بحب الخضار ولا الأسماك مش باكلهم غير بالعافية وأغلب أكلي حلويات وشيبسي مشينا وفضلت ماما تقارن بيني وبينها وإنها لما كانت ف سني كانت مخلفاني أنا وأختي والفرق بينا نص العمر وإنها ولدت أربع مرات بقي وشغل البيت والحجج الفارغة دي وقررنــا نخــس ونمشي كل يوم ونقلل الأكل وكلام من ده دعواتكم بقي

via مين غيرك بيحن عليا http://www.meen-8yrk.com/vb/showthread.php?t=1483&goto=newpost